Patileng to「o sowal no Yun-Cu-Ming a rikec」o tilid no Yun-Cu-Ming ira’ay ko rikec tadu^du^an
「no kitakit a sowal ko sowal no Yun-Cu-Ming」o Lo-Ma-Ci ko tilid no Yun-Cu-Ming,Onini ko nalorayan ni Kolas Yotaka to hatini’ay.pasowal ci Kolas Yotaka:ano awa^ ko tilid no cecay a finacadan i,maketun ko teruc nora finacadan.
Masolinga’ay ko 「tayra loma kanatal pafulaway a rikec」o saka nga’ay ko ‘olip no pafulaway
Mapalaheci’ay to ko pafulaway a rikec,oni Kolas Yotaka a mipasadakan ko nini.ca’ayto pisalimelimek ko ‘olip no pafulaway tayra’ay i loma a kitakit a tamdaw,mansa ya’awayay ko kanatal a To-pow a tamdaw saka nga’ay no ‘olip nangra i Taywan.
Masolinga’ay ko 「pakaynien i tilid no Yun-Cu-Ming amitilid to sasowalen no misingkiway a rikec」
Onanayan ni Kolas Yutaka, akatawalen ita kono Yun-Cu-Ming a tatilengan,mansa mipasadak kita to sasowalen a misingkiw manga’ay o Lo-ma-Ci ko sapitilid,okaka nguduen ko finacadan ita.onini a demak o sa’ayawayho a mapasadak.
Mapalasawad ko 「Mung-Cang-Wuy-Yin a rikakawa^」palasawaden toko pafulaway sanay a halateng
Pasadaken ni Kolas Yotaka koni palasawaden ko Mung-Cang-Wuy-Yin a rikakawa^, sakanga’ay no ‘olip a pafulaway no Mung-Cang tamdaw, nanay nga’ay ko kasasowal no kitakit ato kitakit.
Masolinga’ay ko 「o rikec no kiw-ik i niyaro’ay 」saka fangcal no malasingsi’ay
Mahecaday i Taywan nikawrira i niyaro’ay ato i Tokayay,ca’ay kahecad ko pilayap to Kiw-ik,nanay palecaden sanay ci Kolas Yotaka,to sakanga’ay no minokayay tayra niyaro’ a singsi^.
Mapatilengay ko「pasera’an a romi’ad no ilisi a rikec」tolo aromi’ad kono ilisin a hanhan
Nanay mikihatiya kita to ilisin ta caay kaketon konini a serangawan,mapatileng toko rikec:tolo a romi’ad ko pahanhanan misangka to ilisin no niyaro’,madutuc no teloc ko hatini’ay pinangan.
Masolinga’ay ko 「ira ko Yun-Cu-Ming matayal to misingkiway a demak sanay a rikec」
Pakayni’ay misingkiway a halaka adihay ko caay ka tatodung i Yun-Cu-Ming,nanay ira kono mita to salikaka mipadang titanan to sasamaanen misingkiw.osaka aloman no mitopa’ay ita.
Masolinga’ay ko 「panganganen ko Pi-Po-Wa tono Yun-Cu-Ming a tatilengan sanay a rikec」
Ci Kolas Yotaka ko patilengay tonini a rikec,iraay kono Yun-Cu-Ming aremes no Pi-Po-Wa mansa nga’ay cangra a pangangan sanay ko Si-Fu^.
Masolinga’ay ko 「ano awa^ ko Siyang-Ciw no niyaro’ o Yun-Cu-Ming a tamdaw ko patiducay a rikec」
Ano mapalasawad ato mapatay ko Siyang-Ciw nanay o Yun-Cu-Ming ko patiducay, onini komi du^du^ay to oniyah ko mikuanli to niyah sanay a halaka^.
Patiling ko 「patikolen ko Yun-Cu-Ming toya nangrato a sera ato riyal sanay a rikec」
Tohatini’ay sifaloco’ ci Kolas Yotaka tonini a rikec,mansa halakaten a mihapinang mikingsa ko palapalaan ita sanay,ta halakat to mapatikul ko sera ita.
Masolinga’ay ko 「misikitangay a rikec」mihayda ko Yun-Cu-Ming ta nga’ay misikitang i niyaro’
Pasadak ci Kolas Yotaka tonin a rikec nawhani mafana^ cingra i palapalaan ita,adihay ko nga’ayay a rusid,kasima’an mikulkul miara^,ira toko nini pidu^du^an a rikec:mihayda koci pala’ay a Yun-Cu-Ming ta nga’ay mikulkul a miara^.
Misolinga’ay to tatapangan a rikec「palasawaden ko San-Yun ato Pin-Yun sanay a kasasiruma^」
O raraw no Si-Fu^ sanay ko So-To ci Cay-Ying-Won to Yun-Cu-Ming,pakafana^ to alomanay nanay masasi^olah masasingodo^ kita,sawaden to koya misamsamay to Yun-Cu-Ming.
Masolinga’ay ko 「malacecay to Yun-Cu-Ming mikuwali to Ko-Ying no Kanatal sanay a rikec」
Pihapinang ni Kolas Yotaka:matawalay no rikec o tatapangan a saka’olip no Yun-Cu-Ming i Ko-Ying no Kanatal.ano hatira i,maketunay ko King-Li ita to sakacakat sakanga’ay no ‘olip ita.mansa pasadak cingra tonini a rikec.
Masolinga’ay ko 「o Cay-Tang-Ho-Cing no Yun-Cu-Ming,patileng to tilifi^ a rikec」
Safaw lima^ a miheca’an ko katayal ni Kolas Yotaka i tilifi^,nanay kita to kita ko mikuwanli to tilifi^ ita sanay, pasadak tono niyah a kamok pa’araw to salikaka.
Masolingaay ko 「palasawaden koya likakawa pakayni’ay sarikec to palapalaan ita a rikec」
Micokeran ni Kolas Yota「palasawaden ko likakawa no pala^ ita」adihayay a likakawa miketonay to sakacakat no pala^ ato saka ci hafay no ‘olip ita. Pakahalateng ci Kolas Yotaka to sakanga’ay no ‘olip ita.
Masolingaay ko 「manga’ay i roma’ no niyah mitukad to niyah palili’an a fafuy kuku^ ato karo adupen a rikec」
Pakaso’lin ci Kolas Yotaka:mangudu^ ko Si-Fu^ to pinangan no ‘olip ita,nawhani i pinangan ita adihay ko tadamanay a serangawan, o kakalimera’an o papadutucen to teruc ita konini.
Masolinga’ay ko 「no Cin-Ca-Ying a likakawa:palasawaden koya caay ka papina^ko tamdaw a Yi-Ying-Kay a rikec」
Mahapinang ni Kolas Yotaka:mafalicay toko Ci-Tay anini,mansa adihay ko papalasawaden a likakawa,mapalasawad koya caayka papina ko tamdaway a Yi-Ying-Kay sanay.
Masolinga’ay ko 「mipakingsa’ay to palaan a demak ira ko Yun-Cu-Ming ci tatodungay sanay a rikec」
Ano i palapalaan no Yun-Cu-Ming a patileng to ta’angayay a mipatilengan i,ira ko Yin=Cu-Ming malacafay mihapinang a mikingsa^,ta ira mapasadak ko nahalatengan no Yun-Cu-Ming.
Masolinga’ay ko 「pakayni’ay i Kiw-Yik no Yun-Cu-Ming a rikec」nanay mateked ko Yiw-Sang ita
Harateng ni Kolas Yotaka:adihay ko caay ka tatudung a rikec pakayni’ay i Kiw-Yik no mita.nawhani masalilamay ko Yiw-Sang a payci^ to saki Kiw-Yik ita.mansa patongalen ko nini a payci^ i Yun-Cu-Ming sanay ci Kolas Yotaka.
Masolinga’ay ko 「samaanen midiput ko adupen a rikec」palasawaden ko raraw no mi’adupay
Pasowal ci Kolas Yotaka:o tadamanay a serangawan no mita ko miadupay a demak, masa caay ko mararaway ko mi’adupay a demak.tadanga’ayay iayaw no pi’adup katayra i Ya-Ko-Fa^ misingsi^.
Masolinga’ay ko 「palepunen to cangu’ut no li-pu-yi-ying ita o Yun-Cu-Ming a rikec」
Ano cangu’ut ko li-pu-yi-ying aka piliyaw misingkiw nawhani mapalakay ko payci^ no Si-Fu.pakahalateng ci Kolas Yutaka aka mipalak sanay a pinangan.
Masolinga’ay ko 「pakaynien i tilid no Yun-Cu-Ming ko pitilid to ngangan ita a rikec」
Nanay patikulen ita koya no Yun-Cu-Ming a ngangan a patilid itini i ni-fun-siw a mapolong sanay ci Kolas Yotaka.
Masolinga’ay ko 「pakayni’ay toya sapadahuf a payci^ no pala ita. Nanay matungal ko kakahad no pala to mapadahufay a rikec」
Tati^ihay i pala no niyah miletek a paloma^ sanay ko rikec no Si-Fu,mansa ira’ay ko runguc ni Kolas Yotaka to Si-Fu, nanay matungal ko ka’aloman no mapadahufay a ci palaay a salikaka.
Masolinga’ay ko「pakatilifi’ay a rikec 」ca’ay ko sasamsamen ko misatilifi’ay
Anini’ay「pakatilifi’ay a rikec」midu^du^ a palosiyang to serangawan no 「Cung-Huwa」a rikec,pineneng ni Kolas Yotaka:adihay ko kasasiluma no serangawan ca’ay ko 「Cung-Huwa」a cecay,nanay mapalowad ko polong a serangawan a pasadaken i tilifi.